Эканоміка
Мінэканомікі прадставіла дэмаверсію праграмы для маніторынгу рэалізацыі дзяржпраграм
Фота Мінэканомікі
18 красавіка, Мінск . У Мінэканомікі прадстаўлена дэмаверсія кампанентаў падсістэмы маніторынгу рэалізацыі дзяржпраграм, паведамілі ў прэс-службе міністэрства.
Распрацоўкай гэтага праграмнага прадукту займаецца РУП «Цэнтр лічбавага развіцця» па заказе Міністэрства эканомікі ў рамках дзяржаўнай праграмы «Лічбавае развіццё Беларусі» на 2021-2025 гады.
Для дзяржорганаў падсістэма дасць магчымасць аўтаматызаваць і спрасціць работу ў ходзе фарміравання і выканання дзяржаўных праграм, а для насельніцтва — павысіць адкрытасць інфармацыі аб іх рэалізацыі.